Friday, August 1, 2014

TG961 ပြတင်းမြင်ကွင်း

အိမ်နီးနားချင်း
ညာဥ့်လေ့နိခြင်း
လင်းအားကြင်းလို့
ပထ၀ီမြီပြင်မှာ ကြယ်ပေါက်လို့......။

ထော...ပေါ်လာပျာ....


ငါ့ရှိက
TV ဖန်သားချေတချပ်
မပြတ်ဖေါ်ပြနီရေ
```ရခိုင်ရိုးမ´´´
အမဲစိမ်းအမှောင်ကျလို့.......။

ပါးမိတ်လက်ထောက်
ငါစိတ် ဇာရောက်နီလေ....။

အေမြီကမ္ဖာလာထက်
မနိုးတမ်းအိပ်စက်နီလား
ဒေအိမ်သား......။

တံခါးလေ့ပိတ် မီးမမှိတ်ဘဲ မှောင်
ကြယ်ရောင်မမြင် လရောင်မထင်း
အမှောင်တွင်းထဲ အိပ်ဆီးခပ်ခံထားရရေ လူတိ
သတိလစ်အိပ်ရီးကျ တခါလေ့ နိုးမထနိုင်ကတ်ပျာ......။

အိပ်ဆီးပြေ ဂါဌာတပုဒ်
မာန်းမှုတ်ပီးပါဖိ.......။


ခိုင်မြသိန်း (ချောင်းသာကြီး)
၀၁၊ ၀၈၊ ၂၀၁၄

မှတ်ချက်။     ။ TG961 ဆိုသည်မှာ Thai Airline ကို ဆိုလိုပါသည်။စစစ

No comments:

Post a Comment