TG961 ပြတင်းမြင်ကွင်း

အိမ်နီးနားချင်း
ညာဥ့်လေ့နိခြင်း
လင်းအားကြင်းလို့
ပထ၀ီမြီပြင်မှာ ကြယ်ပေါက်လို့......။

ထော...ပေါ်လာပျာ....

တကွေ့မမှန်ခကေ

ရာဇ၀င်တပေါင်ထား ရိုးတောင်မြောက်ဖျားက
ရခိုင့်ဘုရင်ဆင်စီးလို့ ပြည်တော်ဝင်လာဖို့ဟိရေလတ်........

ကတ္တီဘာကော်ဇော ပတ္တမြားနီရောင်လွှမ်း
အောင်သဗြီရီချမ်း ပန်းခြင်းလမ်းနန့် နန်းတော်တက်ဖို့ဟိရေလတ်........

မျက်စောင်းတချက်ချေထိုးကြည့်ခကေ

ဗုဒ္ဓဘာသာဝင်ကို ဗုဒ္ဓသာသနာပြုလို့
TV မင်းသားဖြစ်ဖို့က
သင်္ကြန်းစည်းရဟန်ဝင်
အာဏာသျှင် အာဏာပိုင်တိနန့်လေ့ မပေါင်းဖူးခ....။

သာသနသူရဲကောင်း ရဟန္တာလောင်းဖြစ်ဖို့က
စည်တီပုထိုးကျောက်ရိုးနန်းတော်
အမျိုးသားလက္ခဏာတိကိုလေ့ မဖေါက်ထွင်းဖူးခ.....။

အေပိုင်မြင်ယင့်

အောင်ပွဲ့လား၊ ယှုံးပွဲ့လား၊
ဇရဇရာလား ငါ...မသိ....

ဝင်လာသမျှလူကို ကြိုဆို
အောင်သဗြီပန်းခက် အညွတ်မထွက်
ရီအိုးခွက်လည့် ခန်းနီပျာ......

ပတောက်စည်သံ အနားပြန်လို့
နွားအိုမြည်သံလည့် ကွဲနီပျာ......

ဇာမှာလဲ ပြည်သူအကျိုး
ဇာမှာလဲ တိုင်းပြည်အကျိုး

မိုင်ထောင်ချီခရီးဆက်ဖို့
ခြီတလှမ်းက စတင်ခကေလေ့
မိုင်ထောင်ချီကိုရာ ရောက်လားခရေ
ခရီးမတွင်ခ...။

မြင်နီယင့်
ဗမာမြန်မာပြည်လွတ်လပ်ရေး ရခါစ
ရခိုင့်တော်လှန်းရေး၊ နိုင်ငံရေးသမားတိအဖြစ်မျိုး
ပြည်ကျိုးယှုံးကတ်ဖိုစွာကို.....။

ခိုင်မြသိန်း (ချောင်းသာကြီး)
၂၈၊ ၀၂၊ ၂၀၁၄
ွGlada

ဘာဘာနောက်ဆုံးစကား

ရခိုင်ပြည်မှာ
ပညာရေးမကောင်း
ကျန်းမာရေးမကောင်း
လူမှု့ရေးမကောင်း
စီးပွားရေးမကောင်း
လုံခြုံရေးမကောင်း
လမ်းပန်းဆက်သွယ်ရေးမကောင်း
မကောင်းစွာတိကိုကျဲ အကြောင်းပြပြီးကေ
ရန်ကုန်ကိုထွက်လားကတ်တေ....မင်းရို့

ဓါးပြင်ဆိုးတလက်နန့်
အိမ်နောက်ဖက်ကို စောင်နီရေ...ငါ
ဘာဘာသီကေ အမျိုးလည့်တုံး၊ မြီလည့်ဆုံးယာလို့
မှတ်လီကတ်.....။

ခိုင်မြသိန်း (ချောင်းသာကြီး)
၁၈၊ ၀၂၊ ၂၀၁၄
Glada Hudik

သျှင်ဥတ္တမမှန်အိမ်

မှန်အိမ်ကို
ဂေါင်းမှာတင်လို့် လမ်းပြ
မိုင်ပေါင်းများစွာက လူသားတိ
အလင်းရလို့ လွတ်မြောက်လို့...........။

မှန်အိမ်ခြီရင်းက လူသားတိ
လမိုက်မိုးမှောင် မုန်တိုင်းကျလို့
ဝီစိ့တွင်းနစ် ခုထက်ထိကျွန်ဖြစ်လို့...........။

ခိုင်မြသိန်း (ချောင်းသာကြီး)
၀၈၊ ၀၉၊ ၂၀၁၃
Glada Hudik.

ရက္ခိတ

ရခိုင်သားတိုင်းက ပြောကတ်တေ
´သင့်ကြောင်း မျိုးမပျက်ပါစီနန့်´
´သင့်ကြောင်း မျိုးမပျောက်ပါစီနန့်´ လတ်

မျိုး မပျက်၊ မပျောက်ရအောင်
နို့သောက်ဘ၀ကနီ တုတ်ထောက်ဘ၀ကိုထိ
တာဝန်ဟိဟိ၊ တာဝန်သိသိနန့်
ထမ်းဆောင်ပါလတ်စွာ
အေကုဆိုကေ သင်္ချိုင်းနားကိုတောင် ရောက်နီပျာ
အနားယူဖို့လား စိတ်ကူးရေ

မထူးပျာ......
မျိုးစောင့်တရားကို
ဆက်လို့ ထမ်းလီဖို့ယာ
ခါးကျိုးကျိုးလီပါတ်စီဖိ
ဒေ..မသာကို
ငိုဖို့လူမဟိကေလေ့..........။

ခရီးဆက်ရဖို့သိမ့်

ဒေနိလေ ဒေနိ
ဒီဇင်ဘာ (၃၁) ရက်နိ
ရာဇာဝင်မှာ သီးချောင်းစီးခရေနိ
ဝရုံပြိုလို့ ရခိုင်ရို့မျိုးသုဋ်ခရေနိ.......။