Saturday, May 7, 2011

ရခိုင်သူမချေကြာအိမ်နန်းမှာ ဖြစ်တည်ပါစီ

ဘုံသုံးဆင့်မှာတည်
ဝိ့ဥာဏ်ပြည်က မင်း
လူဖြစ်ဖို့ မဆင်းသိမ့်လား
သူငယ်ချင်း................။

ဘုန်းကြီးဆွမ်းကို ခိုးစား
သက်မချေတိကို ရဲစားစကားပြော
နီဝင်ကေ ကြက်ခိုးလား
မျောက်နှောင်နှစ်ကောင် ငါ့ရို့
“မောဂ်” ”မောဂ်” မောဂ်” အော်လို့ ထွက်ပြီး
အကြောက်ကြီးရေ ငါ့မှာ
ဝါးတန်းထက်က လူးကျ
စောင်တည်ချောင်းမှာ ရီနစ်ခရေ.........။

“ဟူး....”  တကိုယ်လုံး  “ချွဲ”
ဗြုန်းခနဲနိုးကျ
အချက်ပြနှုတ်ဆက်လားစွာလာ
ပြတင်းဘောင်တိ “တထိန်းထိန်း” လှုပ်ခပ်
လက်ယပ်ခေါ်နီစွာလာ........................။

ထွက်ကြည့်လိုက်တေ
ဝရံဒါသို့...................။

တိမ်တိုက်တိကင်းစင်
မိုးဂေါင်းကင်လွင့်ပြင်ထဲမှာ
ကြယ်တာယာပတ္တမြားချေတိ တောက်ပ
နွီဦးပေါက်စ လီညှင်းချေတဖြောက်ဖြောက်ထနီရေကြား
စိတ်အာရုံ အခြီဆန့်ပျာ
မင်းနီရာအလွှာသုံးထပ်ကို မှန်းပြီးကေ

“ဘ၀တဖန် လူပြန်ဖြစ်ခါ
ရက္ခဘုံနန်းမှာ ဖြစ်တည်ပါလီ
သူငယ်ချင်း...............” ။



ခိုင်မြသိန်း (ချောင်းသာကြီး)
၀၁၊ ၀၅၊ ၂၀၁၁
Glada Hudik

မထင်မှတ်ဘဲ အိပ်မက်ထဲအလည်ရောက်လာရေ ALP က ဗိုလ်ခိုင်သာအောင်အား ကောင်းရာသုခတိ လားပါစီ။ ခိုင်သာအောင်ရေ ၂၀၀၁ ခုနှစ် ပလက်ဝမြို့နယ် ချင်းလက်ဝ-ကြံခြင်းရွာတိုက်ပွဲ၌ အမျိုးအတွက် အသက်ပီးလားရေ။

Friday, January 28, 2011

ယမာကာ

ဟုံး...........
ဒေမှာ   ငါ့အသက်

ပီး..........
အရက်တခွက်.......။

ခြီသလုံးမိုးကြိုးတံ
သဗြီရောင်မျက်နှာ
အသည်းဆန်ခါပေါက်နန့်
သုသာန်ကိုလမ်းဖေါက်
ဆိုက်ရောက်လားပျာ
ဒေ....ရုပ်ခန္ဓာ......။


ခိုင်မြသိန်း (ချောင်းသာကြီး)
၂၈၊ ၀၁၊ ၂၀၁၁
Glada Hudik

Wednesday, December 29, 2010

ဒုတ်ထောက်မျက်ကန်း

ရခိုင်စကား ပြောခီမှားလို့
ရခိုင့်စာပီ ဖတ်ခီမှားလို့
ရခိုင့်စာပီ ရွီးခီမှားလို့
မျိုးချစ်မျက်ကန်းရာ ဖြစ်လားခကေ

အသင်္ချီနန့်ကမ္ဘာတသိန်း
မျက်ကန်းမျိုးချစ်ရာ
ဖြစ်ပါလီ............။

မျက်မှန်အနက်
ဒုတ်ချေတလက်နန့်
သံသရာ ပလတ်ဖေါင်းထက်မှာ
လမ်းလျှောက်နီလီဖို့ယာ
ငါ.................။



ခိုင်မြသိန်း (ချောင်းသာကြီး)
၂၉၊ ၁၂၊ ၂၀၁၀
Glada Hudik

Thursday, December 16, 2010

ရက္ခမြီမှာ........

ငါ့လက်က
ဖေါင်တိန်မှင်စက်
ရခိုင့်စာပီ ထွန်းကားရေးအတွက်
ရီကြိုင်ချေတစက် ဖြစ်ခကေ

ငါ့ဂေါင်းထဲက
စိတ်ကူးစိတ်သန်းချေတိ
ရခိုင်ပြည်သူတိအတွက် ဖြစ်ခကေ

ငါ့ရင်ဘတ်ထဲက
အသည်းနှစ်လုံးတိ
ရခိုင်ပြည်သူတိကို ချစ်ခကေ

ငါ့ခန္ဓာကိုယ်က
ချွဲစက်၊ သွီးစက်
ရခိုင်ပြည်သူတိ လုံချုံဘဲကင်းရေးအတွက်
တပ်ထရံချေက တပ်တိုင်ချေတချောင်း ဖြစ်ခကေ

ငါ့ခန္ဓာ
အချိန်တန်လို့ ပုတ်ပျော့လားခါ
လခြမ်းမြီရိုးမအတွက်
မြီဆီမြီသြဇာရာ ဖြစ်ခကေ

သဂြိုင်္ဟ်လိုက်.......ငါ့ကို
ရက္ခမြီမှာ......................။


ခိုင်မြသိန်း (ချောင်းသာကြီး)
၁၄၊ ၁၂၊ ၂၀၁၀
Glada Hudik

ရှင်သန်နီရေနာကျဉ်းချက်

မရမက
ရအောင်ကြိုးစားနီစွာက
ဇွဲလုံးလ.....၀ိရိယ......။

နင်
ငါကို အမျိုးဖြှုတ်နှိမ်နင်းနီသမျှ
ငါ့....နာကျဉ်းချက်တိ တဖွဖွရှင်သန်နီသမျှ
ငါ့....ဂေါင်းထောင်ဖို့
ရုံကန်နီဖို့စွာ
သေချာရေ....ကျိန်းသီရေ.........။


ခိုင်မြသိန်း (ချောင်းသာကြီး)
၀၁၊ ၁၂၊ ၂၀၁၀
Glada Hudik

Thursday, December 2, 2010

မှားနီရေပါမောက္ခ

လူမျိုးတမျိုး ရေရှည်တည်တံ့ခိုင်ခန့်ဖိုက
အသိပညာသျှင်၊ အတတ်ပညာသျှင်၊ အနုပညာသျှင်
ဘာသာရေးဂေါင်းဆောင်
နိုင်ငံရေး၊ တော်လှန်ရေး၊ မျိုးချစ်ဂေါင်းဆောင်တိက
အဓိက...............။

တခြားတခြား လူမျိုးတိမှာ
အမျိုးသားစိတ်၊ မျိုးချစ်စိတ်၊ လူမျိုးရေးစိတ်
ရှင်သန်နိုးကြားလာရေး၊ စာပီမြင့်မားလာရေးအတွက်
နိ့ထူးနိ့မြတ်တိမှာ
ကဗျာဖတ်ပြိုင်ပွဲ့လုပ်ကတ်
စာရွီးပြိုင်ပွဲ့လုပ်ကတ်၊ စာစီစာကုန်းပြိုင်ပွဲ့လုပ်ကတ်
မျိုးဆက်သစ်လူငယ်ချေတိကို
မြီတောင်မြှောက်ပီးကတ်၊ လမ်းညွှန်ပြသကတ်နန့်
ပညာသျှင်ပါမောက္ခတိ
တင့်တည်ခန့်ညားလို့.....၊
ဂုဏ်သတင်းတိမွှီးကြိုင်လို့......ကျော်ကြားလို့..........။

ငါရို့
ရခိုင်ပညာသျှင်တိမှာ
နောက်လိုက်ငယ်သားတိကို
”ဗမာစာကိုရွီးဖို့........လက်ထောက်ချ ညွှန်ကြားလို့.......ဖေါက်သည်ချ သင်ကြားလို..........။”

ထောက်ပြဝေဖန်သူကို ဘေးခေါက်
အမှန်ပြောသူ၊ ရခိုင်စာရွီးသူရို့ကို နောက်ခေါက်၊ မျက်ငြိုခေါက်
ဘွဲထူး၊ ဂုဏ်ထူး၊ ပညာထူးတိနန့်
ဝိုင်း..ခြိမ်းခြောက်လို့........
လူ့အသိုင်းဝိုင်းက မောင်ထုတ်လို့.....
ဂျောင်ပိတ် ၀ိုင်းသတ်လို့.............................။

ကြီးကေ မျှေင်
မြင့်ကေ ဖား
ငယ်ကေ အနိုင်စား
နောက်လိုက်ကြောင်ဖားတိကလေ့
နောက်လိုက်ကောင်း ပီဿလိုက်တေပင်
အများနန့်မိတ်မပျက်ရအောင်
မျက်နှာချိုသွီးပျာ
နီရာထိုင်ကွက်ချေတခု ရရေးအတွက်
စိုစွတ်နီရေမြီကြီးထက်
သတင်းစာခုထိုင်နီရေ................။

ရခိုင့်လူ့အဖွဲ့စည်း အမျိုးသားရေးစိတ် ပြန်လည်ဦးမော့လာရေးက
ရခိုင်စာပီ အဓိကမကျ....လတ်....၊
Communal Spirit လူစုလူဝေးစိတ်ဓါတ်က
အရေးကြီးရေ.....ဆိုကာ....။

ပြောခမေ
“မှားနီရေပါမောက္ခ
Communal Spirit ကို Literature (စာပီ) က  ကျားမကန်ကေ
ပြိုကျတတ်တေ.......။”

“စာပီမဟိရေလူမျိုးတမျိုးစွာ အကွတ်မဟိရေကြမ်းပြင်နန့်တူရေ....။”

“ရီလွတ်ငါးချေပိုင်
ရီမဟိရေကုန်းထက်မှာ အသက်ရှူရကေလေ့
တနားချေရာ..............။”


ခိုင်မြသိန်း (ချောင်းသာကြီး)
၀၃၊ ၁၂၊ ၂၀၁၀
Glada Hudik

Tuesday, September 7, 2010

ဥပက္ခာ

လူချစ်လူခင်
ပွားစီချင်ကေ
မြင်တိုင်းမပြော
နှုတ်၌ငုံလော
စိတ်၌သိုထား
သုခပွားရေ
လူ့ရပ်ပြည်မှာ.............။


ခိုင်မြသိန်း (ချောင်းသာကြီး)
၀၅၊ ၀၉၊ ၂၀၁၀
Glada Hudik

Thursday, August 19, 2010

ဇာတိမာန်

အားမတန်လို့
မာန်ကို လျှော့ထားရကေလေ့
အမျိုးဂုဏ်ဟန် ဇာတိမာန်ကို
လာမထိကဲ့......။

ဇာမဏီငှက်ရို့မည်သည်
အသက်ကိုရာ အသီခံလားဖို့
အမောက်ကို အကိုင်မခံ......။

ခိုင်မြသိန်း (ချောင်းသာကြီး)
၁၈၊ ၀၈၊ ၂၀၁၀
Glada Hudik

Sunday, August 8, 2010

မျိုးမပျက်ချင်ကေ

အသားထဲက
လောက်ထွက်က
ပြည်ပျက်ရရေ......။

သစ်ဆွီးလာက
ပုလုတ်ကျ
လောင်းပျက်ရရေ......။

သွီးပုတ်လာက
ခန္ဓာကိုယ်ကျ
ဘ၀နိကုန်းချုပ်ရရေ......။

လောက်ကောင်တိကို ထွတ်
ပုလုတ်တိကို ဖြတ်ထုတ်သတ်
သွီးပုတ်တိကို ဖောက်ထုတ်ကတ်......။

ခိုင်မြသိန်း (ချောင်းသာကြီး)
၀၄၊ ၀၈၊ ၂၀၁၀
Glada Hudikစစစစ